RESPUESTA EDUCATIVA INCLUSIVA

 

 Premendo na imaxe accédese á páxina de Concha Barceló que contén cantidade de información e recursos para fomentar a inclusión do alumnado.

PROPOSTAS EDUCATIVAS DO SALÓN VIRTUAL DE PONTEVEDRA

Este ano o Salón do Libro de Pontevedra tivo que ser suspendido con motivo da crise sanitaria do coronavirus. Pero a organización tentou atopar unha solución que permitira, por unha parte, facer máis levadeira a situación actual á cativada confinada e por outra, paliar na medida do posible o impacto que está a ter no sector cultural, onde se están a cancelar a meirande parte das actividades programadas neste tempo. Así foi como naceu o SALÓN VIRTUAL, que aínda podedes visitar premendo no seguinte enlace:

SALÓN VIRTUAL

O resultado foron máis de 100 publicacións nas redes sociais, que inclúen obradoiros, xogos, contacontos, exposicións virtuais, actuacións,... Atoparedes enlaces a todas elas a través do enlace anterior.

Nesta entrada gustaríanos destacar algunhas propostas, que vos poden resultar útiles nas vosas casas: 

OBRADOIRO DE MINDFULNESS CREATIVO EN FAMILIA

Neste  obradoiro, impartido por Anxo Fariña, aprenderedes a relaxarvos e a entender as vosas emocións e pensamentos a través de técnicas de Mindfulness e respiración, é un obradoiro que podedes levar a cabo xuntos, nenos e adultos.

Tamén se ensinan algúns materiais útiles para axudar aos nenos a calmarse a relaxarse, por exemplo, cando teñen problemas para conciliar o sono.

APRENDE BANDA DESEÑADA CON FIZ

Este obradoiro creativo foi impartido polo ilustrador Kiko da Silva, coñecido polas súas publicacións de viñetas para El Correo Gallego e por ser o fundador da primeira escola profesional de cómic e ilustración de Galicia "O GARAXE HERMÉTICO". O obradoiro consta de dúas partes, que podedes ver na canle de Youtube do Salón do libro:

PARTE 1

PARTE 2

Neste obradoiro coñeceredes parte da historia do cómic ou Banda Deseñada e ademais de iniciarvos no coñecemento desta arte, gozaredes con Fiz, o neno máis porco do mundo que, desta vez, ten moitas cousas que ensinarnos sobre as historietas e viñetas.

UN RETRATO DE CONTO

Neste obradoiro aprenderedes a facer un retrato de conto a través do fisionotrazo,  que é un invento fantástico que xurdiu alá polo século XVIII para facer retratos.

 PIMBÓLA CON MATERIAL DE REFUGALLO

Neste obradoiro aprenderedes a facer unha Pimbóla ou Pinball con cartón e outro material de refugallo. A Pimbóla foi un popular xogo durante moitos anos. Atopámola en versión electrónica ou mecánica e de seguro que os vosos familiares poden falarvos dela.

LIBROS EN MOVEMENTO

Gustaríavos que os vosos contos cobren movemento? Neste obradoiro aprenderedes a facer flipbooks ou libros en movemento, poñendo en práctica unha das técnicas máis antigas da animación. Tan só necesitades un caderno que teñades pola casa ou dunha cartolina, ademais dun lápiz e rotulador negro para facer os debuxos.

Esperamos que vos gusten as propostas seleccionadas en non dubidedes en darvos un paseo polo SALÓN VIRTUAL, onde descubriredes moitas outras propostas divertidas!

APRENDIZAXE BASEADA NO XOGO

Esta semana comezamos falando da Aprendizaxe Baseada no Xogo (ABJ ou GBL Game Based Learning).  Esta metodoloxía pon énfase na motivación e convirte aos alumnos/as en verdadeiros protagonistas do proceso de aprendizaxe.

Nesta entrada propoñémosvos algúns xogos cos que podedes traballar diferentes destrezas e habilidades que están implicadas directamente no proceso de aprendizaxe.

Recollemos as propostas a continuación:

TETRIS

Con este xogo traballaremos a destreza visual, as nocións espaciais, a  atención, a concentración e a lóxica.

Podedes xogar con el de forma virtual en: TETRIS - EL PAÍS DE LOS JUEGOS

Ou se preferides facelo de forma manipulativa, podedes imprimir a proposta deseñada por "El bolsillo de mi babi".

PALABREA

Palabrea é un xogo de cartas co que traballaredes habilidades lingüísticas como a conciencia fonolóxica e a fluidez verbal; tamén traballaredes a visopercepción, a velocidade de procesamento e a memoria de traballo.

Premendo na foto, podedes descargar unha versión do xogo gratuita en PDF para imprimir, e así podedes probalo nas vosas casas e valorar se merece a pena facerse con el.

No seguinte vídeo aprenderedes as regras do xogo, pero se vos esforzades en aprendelas vos mesmos, tamén melloraredes as funcións executivas:

Na páxina de Ludilo coñeceredes moitos outros xogos de mesa divertidos para xogar en familia, cos que disfrutaredes pequenos e maiores.

IKONIKUS

Ikonikus é un xogo no que cada carta representa unha emoción e a empatía xoga un papel clave, xa que os xogadores deben tratar de adivinar o que sentiría o resto en diferentes situacións. Xogar coas emocións nunca foi tan divertido.

Premendo na seguinte imaxe podedes descargar unha versión imprimible do xogo.

A continuación veredes un videotitorial explicando as regras de Ikonikus:

PARCHÍS

Tamén podedes aproveitar  este tempo para gozar de xogos clásicos que teñades na casa como o Parchís, a Oca, etc. A vantaxe que teñen os xogos clásicos é que a  maioría dos nenos/as xa coñecen as normas do xogo tradicional e estas poden ser adaptadas para traballar contidos educativos, ademais das habilidades que xa se traballan participando nos propios xogos de mesa.

Premendo na seguinte imaxe, podedes descargar un taboleiro para imprimir do Parchís.

Ademais, podedes acceder a esta versión interactiva do Parchís coa que traballaredes e repasaredes as regras ortográficas.

CONFINAJUEGO

Por último gustaríanos presentar este xogo pensado por EL MAESTRO MANU para o tempo de confinamento. “ConfinaJuego” é un xogo denominado "print and play": por iso tedes que imprimir o arquivo, colorealo e montalo, desta forma non só disfrutaredes do tempo de xogo, senón que tamén melloraredes a psicomotricidade fina e desenvolveredes a creatividade.

Premendo na seguinte imaxe, hai un enlace onde podedes descargalo:

Podedes descargar as súas instrucións  no seguinte enlace: INSTRUCIÓNS

E ata aquí as recomendacións de hoxe, esperamos que vos gusten e que pasedes un intre divertido á vez que mellorades as vosas habilidades.

A MIÑA CÁPSULA DO TEMPO 2020

Hoxe ensinámosvos unha proposta de actividade que podedes realizar estes días: facer a vosa cápsula do tempo.

Unha cápsula ou caixa do tempo é un recipiente hermético que ten a fin de gardar mensaxes e obxectos do presente para ser atopados por xeracións futuras. A expresión "cápsula do tempo" utilízase dende 1937, aínda que  a idea é tan antiga como os primeiros asentamentos humanos en Mesopotamia.

Hoxe en día, o concepto de cápsula do tempo estase popularizando e en Internet podemos atopar cápsulas do tempo en distintos formatos: dixital (como poden ser fotografías), audios, textos ou vídeos.

Fonte: Wikipedia - Cápsula do tempo

Dende a páxina de Materiales Educativos, Nanelly Rivera creou e compartiu este material que vos axudará a facer unha cápsula do tempo do momento tan especial no que vivimos. Esta cápsula do tempo está en formato *.pdf e podedes imprimila e  enchela coas vosas experiencias, fotos, emocións vividas, anécdotas... E por suposto, tamén podedes incluír cousas que non aparecen na plantilla ou animarvos a facer unha cápsula noutros formatos, a creatividade non ten límites.

 Así, cando o confinamento remate, poderedes recordar o que vivíchedes durante este tempo e ensinarllo a todos os vosos amigos e amigas.

Podedes descargar o documento no seguinte enlace:
CÁPSULA DO TEMPO 2020

Se ademais vos gustan as manualidades, aquí podedes ver un tutorial para facer unha cápsula onde gardar os recordos, podedes adaptar os materiais e en vez de foam ou goma eva, utilizar material de refugallo que teñades por casa.

RECURSOS PARA TRABALLAR A DISLEXIA

QUE É A DISLEXIA?

A dislexia é un trastorno da aprendizaxe da lectoescritura, de carácter persistente e específico, que se dá en nenos/as que non presentan ningún hándicap físico, psÍquico nin sociocultural e a súa orixe parece derivar dunha alteración do neurodesarrollo.

Os nenos e nenas con dislexia han de facer fronte cada día a múltiples dificultades e problemas. A súa maneira de percibir as letras, codificar e procesar a información que transmiten é diferente. Un neno con dislexia procesa a información escrita e a escritura dun modo especial e é por iso que necesita unha atención máis especializada neste sentido. Un ensino adaptado ás súas características e as súas necesidades que lles permita desenvolver as súas capacidades e aprendizaxes.

O pasado mes de xaneiro foi publicado na nosa comunidade o Protocolo para a intervención psicoeducativa da dislexia e outras dificultades do aprendizaxe, no que se recollen algunhas pautas para as familias do alumnado con dificultades de aprendizaxe:

Pautas alumnado Ed. Infantil:

• Aproveitar calquera situación da vida cotiá para espertar a curiosidade dos nenos e nenas por todo tipo de texto escrito.
• Falar e escoitar aos fillos/as, utilizando unha linguaxe rica e expresiva.
• Interesarse polo que fixeron na escola.
• Prestar atención ás preguntas dos nenos e nenas sobre a lectura, mesmo antes de que comecen a aprender formalmente a ler e a escribir.
• Practicar a lectura en voz alta de contos e álbumes ilustrados sobre: animais, adiviñas, trabalinguas, achegando aos nenos á literatura.
• Conectar co que len e co que sucede na vida cotiá.
• Cantarlles cancións, lerlles libros de rimas e dicirlles trabalinguas divertidos. Estes axudan aos nenos a volverse sensibles aos sons que conteñen as palabras.

Pautas alumnado Ed. Primaria:

• Continuar coas suxerencias recomedadas para Educación Infantil.
• Presentar a lectura como unha forma divertida e emocionante de ocupar o tempo libre.
• Deixarlle claro que a familia comprende as súas dificultades, que sempre estará ao seu lado para axudarllle, que logrará avances aínda que coste moito e que poderá contar coa axuda específica para iso.
• Valorar os seus progresos na lectura.
• Propiciar un clima agradable e relaxado para a práctica da lectura.
• Suxerir lecturas e non obrigar a ler.
• Ser paciente co ritmo de lectura, animarlle a que lea detidamente cada palabra e evitar animarlle a adiviñalas.
• Favorecer o hábito da lectura. A mellor forma de facelo é poñelo en práctica cada día. É recomendable facelo todos os días.

Para ampliar información, podedes descargar o protocolo premendo na seguinte imaxe:

Recopilación de recursos que poden ser útiles no traballo da dislexia 

DISLEXIA INFOGRAFÍA

No anterior enlace podedes consultar unha infografía que recolle aspectos básicos da dislexia.

DYTECTIVEU

Trátase dunha ferramenta de apoio á dislexia, validada científicamente e que incorpora moitos exercicios lingüísticos a través dos que se traballan as competencias lingüísticas, a memoria de traballo e as funcións executivas.  DytectiveU está dispoñible nas plataformas iOS, Android e Web para que poida utilizarse tanto en ordenadores Windows e Mac, como en tabletas e smartphones. DytectiveU non é un recurso gratuito, pero durante o tempo de confinamentos Change Dyslexia quere botar unha man ás familias e alongan o período de proba de Dytective a 15 días.

DytectiveU mellora as habilidades de lectoescritura de todos os nenos e nenas e entrénaos para ler e escribir mellor.

PIRULETRAS

Piruletras é unha divertida aplicación baseada no xogo e deseñada para mellorar a lectura e escritura nos nenos que padecen dislexia. 

O xogo está dividido en 5 niveis, que están deseñados de acordo coa frecuencia das palabras, o seu número de letras e similitude con outras palabras.

Esta aplicación está dispoñible nas plataformas iOS e Android.

GALEXIA

Galexia é un xogo educativo para mellorar a dislexia, fluidez lectora e dificultades na fala, gratuito e apto para nenos e adultos. Está dispoñible para dispositivos Android.

MATERIAL PARA TRABALLAR A DISLEXIA DE INFOSAL

MATERIAIS DA PSICO-GOLOTECA


RECURSOS DE INTERNET PARA A DISLEXIA



APPS PARA TRABALLAR A DISLEXIA



45 RECURSOS PARA TRABALLAR A DISLEXIA



RECOPILATORIO ACTIVIDADES



ACTIVIDADES PARA TRABALLAR A DISLEXIA DESDE A CASA



ORTOGRAFÍA VISUAL: MÉTODO INTERACTIVO E ABERTO DE ORTOGRAFÍA E VOCABULARIO

TARXETAS DE ORTOGRAFÍA


ORTOGRAFIA VISUAL


XOGOS DE ATENCIÓN PARA NENOS E NENAS

É unha app que consta de 15 xogos educativos para reforzar as habilidades de percepción visual e espacial, dirixida a nenos de todas as idades.



SIMÓN E OUTROS XOGOS DE MEMORIA

O xogo de Simón é un famoso xogo de memoria. Consiste nun xogo electrónico de mesa con catro grandes teclas de diferentes cores: vermello, verde, amarelo e azul. Cada tecla emite un son diferente que axuda ao xogador a recordar a serie de teclas iluminadas. O xogador debe reproducir a secuencia de luz sen cometer un erro. No anterior enlace, podedes acceder a unha versión online do mesmo, xunto con outros xogos online de memoria. Ademais, neste mesmo enlace tamén atoparedes algúns xogos de memoria para imprimir.

SOPA DE LETRAS
No seguinte enlace podedes acceder a  exercicios online de sopa de letras de distintos temas: animais, profesións, alimentos, froita, colexio, universo, tempo,...



PALABRAS AO REVÉS


No enlace anterior podedes acceder a tarxetas de exercicios de palabras ao revés.

ACTIVIDADES DE REFORZO

ACTIVIDADES DE REFORZO

 https://actividadesdereforzovariadas.blogspot.com/

A través deste blog podedes acceder a unha proposta variada de actividades de reforzo de contidos curriculares fundamentais,   pensadas para levar a cabo na casa, e que iremos actualizando periodicamente. Trátase dunha proposta coordinada cos distintos profesores/as de nivel que ten por finalidade dar unha maior amplitude ás actividades que se están a propoñer desde o centro.

Esperamos que poidan ser do voso interese.

ROSA CONTRA O VIRUS E OUTROS RECURSOS

A continuación ímosvos presentar algúns recursos que poden axudarlles aos vosos fillos/as a comprender o que está ocorrendo:

Rosa contra el virus é un conto para explicarlles aos nenos e nenas o Coronavirus e outros posibles virus, publicado polo Colegio Oficial de la Psicología de Madrid. Este colexio, respondendo á necesidade e demanda social, está levando a cabo unha serie de iniciativas orientadas a promover un afrontamento axeitado fronte ao brote de coronavirus (Covid-19).

A través deste conto, podemos explicarlles aos nenos que é o coronavirus e axudarlles a entender esta situación de Emerxencia Sanitaria que nos tocou vivir, así como a necesidade de quedar na casa para protexernos a tod@s.

Podedes descargalo en *.PDF premendo no seguinte enlace:

ROSA CONTRA EL VIRUS

Outro recurso interesante é o conto Mi casa es un castillo- Rutinas para nenos e nenas que no pueden salir de casa. Este conto foi creado pola psicóloga Itziar Fernández Cortés e a ilustradora Lorena Zamora, coa colaboración de Hilo Ediciones, co fin de axudar ás familias a establecer unha serie de rutinas saudables  para os nenos e nenas, desde un punto de vista lúdico. 

Podedes descargar o conto en *.PDF premendo no seguinte enlace:
MI CASA ES UN CASTILLO

Gustaríanos agradecer a todas as entidades e autores e autoras que están colaborando coa publicación destes materiais a que afrontemos esta situación da mellor forma posible.
MOITAS GRAZAS POLO VOSO ESFORZO E XENEROSIDADE!

NOVOS BLOGS AO SERVIZO DA ORIENTACIÓN EDUCATIVA

No seguinte documento presentamos un traballo colaborativo sobre: "Razóns para crear e manter un blog de Orientación" na que distintos orientadores presentamos as nosas razóns que nos levaron a crear ou manter un blog de Orientación Educativa.

E dende aquí, se todavía non tedes o voso blog, animámosvos a que o fagades!

PUBLICACIÓNS

   Tecnoneet: Tecnoloxías de apoio en contextos de diversidad educativa social e persoal (Región de Murcia) presentanos unha serie de publicacións sobre a utilización das novas tecnoloxías co alumnado de nee:

• "25 años de integración en España: Tecnología e inclusión en el ámbito educativo, laboral y comunitario"
• "La igualdad de oportunidades en el mundo digital"
• "La integración curricular de las tecnologías de ayuda en contextos escolares"
• "Las tecnologías en la Escuela Inclusiva: nuevos escenarios, nuevas oporunidades"
• "Tecnologías de Ayuda en Personas con Trastorno Autista: Guía para Docentes"
• "Tecnología. Educación y Diversidad: Retos y Realidades de la Inclusión Digital"
• "Las Nuevas Tecnologías en la respuesta educativa a la diversidad"
• "Nuevas Tecnologías, Viejas Esperanzas: las nuevas tecnologías en el ámbito de la discapacidad y las necesidades especiales"

Todas estas publicacións pódense descargar premendo na imaxe

aquí

TESTEANDO: O trivial educativo para colexios

Testeando é o xogo educativo pensado para estudiantes con miles de preguntas tipo trivial. O xogo presenta distintas preguntas clasificadas en distintos niveis e materias.

ORIENTACIÓN EN LA RED

Bitácora dixital de orientación educativa.

Recompilación de entradas sobre orientación publicados en distintos blogues e páxinas web.

DIDACTALIA: MATERIAL EDUCATIVO

Estupenda web con gran cantidade de recursos de distintas materias e niveis.

MATES CON MARTÍN Y MARTINA

Conxunto de actividades de Matemáticas con operacións de números decimais: suma, resta, multiplicación e división.

En castelán e en inglés.

3º Premio al Desarrollo de Contenidos Educativos Digitales de la Xunta de Galicia (2011) en la categoría de 3º ciclo de Primaria.

TICambia: aprender sobre a Paz e Solidaridade

É un espacio educativo e colaborativo creado co obxectivo de transformar a información en coñecemento e, para iso, ofrece recursos didácticos tendo en conta cinco eixos temáticos: desenvolvemento e loita contra a pobreza, dereitos humanos e Paz, igualdade de xénero, sostenibilidade ambiental e diversidade cultural. 

Dirixido a educadores/as, xóvenes, nenos e público en xeral, TICambia conta cunha guía de recursos didácticos, un manual de uso das TIC e diversos itinerarios educativos, utilizando material audiovisual, textos e imaxes especialmente seleccionados polo seu contido e creatividade.

Para acceder hai que premer na imaxe.

XOGO DE ATENCIÓN E MEMORIA

Un novo xogo de VEDOQUE para fomentar a atención e a memoria.

"Uns personaxes moi especiais retaron a "Montojo". Cada vez tendrá que atopar un diferente. Queres axudarlle?

"DE AQUÍ NON PASAS". As Redes Sociais

CADA REDE SOCIAL É UN MUNDO. ACCEDE PREMENDO NA IMAXE E SABERÁS  COMO COIDARTE DE TODAS ELAS.

 ¡Infórmate, non o dubides!

Coidarte en Internet é moi sinxelo. Só tes que aplicar a lóxica que utilizas na túa vida e axustar a privacidade nas Redes Sociais ás que te conectas.
Así que ten sempre presente que ...
SE NON O FAS NA TÚA VIDA NORMAL... PORQUE O FAS EN INTERNET?

"NAVEGA TRANKI"

Canto sabes de Internet? Necesitas consello? Que debes facer se te sentes acosado? Esta e moita información máis podemos atopala en "NAVEGA TRANKI" a web da Fundación Bip Bip para vós. Pódese acceder a ela premendo na imaxe.

NAHONO : Método de lectoescritura

NAHONO é un método de alfabetización para inmigrantes de lingua árabe, desenvolvido pola profesora Mª Eugenia Gómez André do centro público EPA (Centro de Educación  e Promoción de Adultos) con sede no centro penitenciario de Monterroso.

A Consellería de Educación e Ordenación Universitaria, que promove a presente edición do método, ofrece este material ao profesorado de personas adultas de toda a comunidade autónoma que atende alumnado procedente dos países de lengua árabe.  

É de carácter gratuito e de fácil descarga: http://www.edu.xunta.es/web/nahono