Ola a tod@s
Tras unha parada na publicación de contidos a través desta canle
virtual, as integrantes do Departamento de Orientación retomamos esta vía de comunicación con tod@s vós.
Atopámonos nun momento de incertidume no que a
sociedade e a vida que coñecíamos ata o de agora quedou paralizada. O
nerviosismo está en cada un dos nosos fogares e non sabemos canto se pode
prolongar esta situación. Atrás quedaron os abrazos, as reunións cos amigos e
tamén os paseos improvisados. Neste momento todos temos unha labor importante,
que é a de axudar a que isto mellore quedándonos nas nosas casas. E as nosas
casas son diversas, unhas máis grandes e outras máis pequenas, oxalá neste
momento todos tivéramos un xardín propio ao que saír a estirar as pernas.
Ninguén pode facer maxia e facer
que todo isto desapareza. As cousas seguen un proceso e neste caso require paciencia, pero desexamos que todo vaia ben para tod@s e mentres esta situación
perdure, intentaremos darvos ideas para axudar aos máis pequenos no transcurso
do confinamento, así como seguir compartindo información, recursos e
estratexias con todos vós.
Unha aperta virtual ata que poidamos volver
a vernos!
