venres, 12 de xuño de 2020

A MAXIA DE DISNEY



GÚSTANCHE AS PELÍCULAS?

A continuación propoñemos dous xogos que son moi divertidos!

ESCOITA E ADIVIÑA

Neste xogo tedes que estar moi atentos e escoitar a banda sonora dalgunhas películas para adiviñar de cal se trata. Ao final de cada pregunta atoparedes a solución.

Lista: Mejores películas Disney


TRIVIAL DISNEY

Outro xogo que propoñemos e o TRIVIAL, pero neste caso de DISNEY. A través das preguntas descubriredes todo o que sabedes sobre as películas. Seguro que sodes auténticos expertos!


Trivial Disney #1 - ¡Atrévete con nuestro Friki Trivial! | DéjenseVer


Esperamos que vos gusten!!!!

venres, 22 de maio de 2020

MÁSCARAS E DIVERSIDADE FUNCIONAL

Nestes días confirmouse a obrigatoriedade do uso de máscaras dende os 6 anos. Teranse que levar en espazos públicos cando non se poida manter a distancia de seguridade de 2 metros e nos espazos pechados.
Sabemos que esta obrigatoriedade está exenta para aquelas persoas que presenten dificultade respiratoria e discapacidade ou dependencia.

Aínda así, adxuntamos  unhas pautas prácticas de uso das mesmas, para que as familias con persoas con diversidade funcional as teñan en conta.
Lembrade que a máscara é unha ferramenta máis, a parte da hixiene e o distanciamento social, que nos permitirá coidar a nosa saúde nesta pandemia global que afecta a toda a sociedade. 
COIDÉMONOS!

luns, 18 de maio de 2020

PROPOSTAS EDUCATIVAS DO SALÓN VIRTUAL DE PONTEVEDRA

Este ano o Salón do Libro de Pontevedra tivo que ser suspendido con motivo da crise sanitaria do coronavirus. Pero a organización tentou atopar unha solución que permitira, por unha parte, facer máis levadeira a situación actual á cativada confinada e por outra, paliar na medida do posible o impacto que está a ter no sector cultural, onde se están a cancelar a meirande parte das actividades programadas neste tempo. Así foi como naceu o SALÓN VIRTUAL, que aínda podedes visitar premendo no seguinte enlace:


O resultado foron máis de 100 publicacións nas redes sociais, que inclúen obradoiros, xogos, contacontos, exposicións virtuais, actuacións,... Atoparedes enlaces a todas elas a través do enlace anterior.

Nesta entrada gustaríanos destacar algunhas propostas, que vos poden resultar útiles nas vosas casas: 


Neste  obradoiro, impartido por Anxo Fariña, aprenderedes a relaxarvos e a entender as vosas emocións e pensamentos a través de técnicas de Mindfulness e respiración, é un obradoiro que podedes levar a cabo xuntos, nenos e adultos.
Tamén se ensinan algúns materiais útiles para axudar aos nenos a calmarse a relaxarse, por exemplo, cando teñen problemas para conciliar o sono.


Este obradoiro creativo foi impartido polo ilustrador Kiko da Silva, coñecido polas súas publicacións de viñetas para El Correo Gallego e por ser o fundador da primeira escola profesional de cómic e ilustración de Galicia "O GARAXE HERMÉTICO". O obradoiro consta de dúas partes, que podedes ver na canle de Youtube do Salón do libro:
PARTE 1
PARTE 2


Neste obradoiro coñeceredes parte da historia do cómic ou Banda Deseñada e ademais de iniciarvos no coñecemento desta arte, gozaredes con Fiz, o neno máis porco do mundo que, desta vez, ten moitas cousas que ensinarnos sobre as historietas e viñetas.


Neste obradoiro aprenderedes a facer un retrato de conto a través do fisionotrazo que é un invento fantástico que xurdiu alá polo século XVIII para facer retratos.


Neste obradoiro aprenderedes a facer unha Pimbóla ou Pinball con cartón e outro material de refugallo. A Pimbóla foi un popular xogo durante moitos anos. Atopámola en versión electrónica ou mecánica e de seguro que os vosos familiares poden falarvos dela.


Gustaríavos que os vosos contos cobren movemento? Neste obradoiro aprenderedes a facer flipbooks ou libros en movemento, poñendo en práctica unha das técnicas máis antigas da animación. Tan só necesitades un caderno que teñades pola casa ou dunha cartolina, ademais dun lápiz e rotulador negro para facer os debuxos.


Esperamos que vos gusten as propostas seleccionadas en non dubidedes en darvos un paseo polo SALÓN VIRTUAL, onde descubriredes moitas outras propostas divertidas!

xoves, 14 de maio de 2020

PELÍCULAS PARA TRABALLAR A INTELIXENCIA EMOCIONAL




Moitas veces, vemos na escola, como nenos e nenas teñen dificultades para recoñecer e xestionar as diferentes emocións. Lles costa poñerse no lugar do outro, falar e compartir opinións dunha maneira asertiva... Non saben como identificar as emocións por iso, adquirir e desenvolver unha boa intelixencia emocional é imprescindible.

A nosa proposta de hoxe vai dirixida a súa adquisición e coñecemento si, dende un principio, falásemos, analizásemos e reflexionamos sobre as emocións cos nenos e nenas e vemos como outras persoas viven e expresan as súas emocións seremos capaces de reflexionar sobre elas.

As películas poden ser un gran recurso para abordar a educación emocional dende a casa. Nos seguintes enlaces podedes atopar unha relación de películas que poden servir para traballar a intelixencia emocional. Tamén podedes atopar algúns recursos e fichas para traballar sobre as películas propostas.  

Preme na imaxe

 Pulsa na imaxe


Nota para os pais: No seguinte blog sobre educación emocional de infantil e primaria dispoñedes de un amplo repertorio de entrevistas, artigos e estudos sobre intelixencia emocional.



Estes son algúns exemplos que podedes ver:


Del revés: As distintas personaxes ensínannos emocións e valores.




Moustruos S.A.: Esta película e adecuada para aprender a manexar o medo a través destas espantosas e a vez divertidos monstros.




Wonder: Película con moitos elementos para traballar a intelixencia emocional, o bulling, autoestima, autoconcepto, respecto, tolerancia e aceptación.









martes, 12 de maio de 2020

APRENDIZAXE BASEADA NO XOGO

Esta semana comezamos falando da Aprendizaxe Baseada no Xogo (ABJ ou GBL Game Based Learning).  Esta metodoloxía pon énfase na motivación e convirte aos alumnos/as en verdadeiros protagonistas do proceso de aprendizaxe.



Nesta entrada propoñémosvos algúns xogos cos que podedes traballar diferentes destrezas e habilidades que están implicadas directamente no proceso de aprendizaxe.

Recollemos as propostas a continuación:


Con este xogo traballaremos a destreza visual, as nocións espaciais, a  atención, a concentración e a lóxica.

Podedes xogar con el de forma virtual en: TETRIS - EL PAÍS DE LOS JUEGOS

Ou se preferides facelo de forma manipulativa, podedes imprimir a proposta deseñada por "El bolsillo de mi babi".

Palabrea é un xogo de cartas co que traballaredes habilidades lingüísticas como a conciencia fonolóxicaa fluidez verbal; tamén traballaredes a visopercepción, a velocidade de procesamento e a memoria de traballo.

Premendo na foto, podedes descargar unha versión do xogo gratuita en PDF para imprimir, e así podedes probalo nas vosas casas e valorar se merece a pena facerse con el.


No seguinte vídeo aprenderedes as regras do xogo, pero se vos esforzades en aprendelas vos mesmos, tamén melloraredes as funcións executivas:

Na páxina de Ludilo coñeceredes moitos outros xogos de mesa divertidos para xogar en familia, cos que disfrutaredes pequenos e maiores.


Ikonikus é un xogo no que cada carta representa unha emoción e a empatía xoga un papel clave, xa que os xogadores deben tratar de adivinar o que sentiría o resto en diferentes situacións. Xogar coas emocións nunca foi tan divertido.

Premendo na seguinte imaxe podedes descargar unha versión imprimible do xogo.


A continuación veredes un videotitorial explicando as regras de Ikonikus:

Tamén podedes aproveitar  este tempo para gozar de xogos clásicos que teñades na casa como o Parchís, a Oca, etc. A vantaxe que teñen os xogos clásicos é que a  maioría dos nenos/as xa coñecen as normas do xogo tradicional e estas poden ser adaptadas para traballar contidos educativos, ademais das habilidades que xa se traballan participando nos propios xogos de mesa.

Premendo na seguinte imaxe, podedes descargar un taboleiro para imprimir do Parchís.

Ademais, podedes acceder a esta versión interactiva do Parchís coa que traballaredes e repasaredes as regras ortográficas.
Por último gustaríanos presentar este xogo pensado por EL MAESTRO MANU para o tempo de confinamento. “ConfinaJuego” é un xogo denominado "print and play": por iso tedes que imprimir o arquivo, colorealo e montalo, desta forma non só disfrutaredes do tempo de xogo, senón que tamén melloraredes a psicomotricidade fina e desenvolveredes a creatividade.

Premendo na seguinte imaxe, hai un enlace onde podedes descargalo:



Podedes descargar as súas instrucións  no seguinte enlace: INSTRUCIÓNS

E ata aquí as recomendacións de hoxe, esperamos que vos gusten e que pasedes un intre divertido á vez que mellorades as vosas habilidades.



venres, 8 de maio de 2020

PENSAMENTO LATERAL

Hoxe gustaríanos falarvos de pensamento lateral.

O pensamento lateral é un concepto ao que fixo referencia o psicólogo Edward de Bono en 1967. Edward acuñou tamén o concepto de pensamento vertical, que é aquel tipo de pensamento que utilizamos normalmente para resolver problemas, a través do método lóxico tradicional. 

O pensamento lateral é un método de pensamento que pode ser empregado como unha técnica para a resolución de problemas de maneira imaxinativa. Para desenvolver e exercitar o pensamento lateral, é fundamental aprender a analizar os problemas desde múltiples puntos de vista.
Cuál es la diferencia entre un sombrero y una boa que se comió a ...
Imaxe extraída de "El Principito" (Le petit Prince) de Antoine de Saint-Exupéry


No seguinte vídeo podedes aprender máis sobre o pensamento lateral e as diferencias que hai respecto do pensamento vertical.

Algúns exemplos clásicos de pensamento lateral son:
  • Algúns meses teñen 31 días, outros so 30. Cantos teñen 28 días?
  • Cal é o animal que ten os pes na cabeza? 
  • Canta terra hai  nun burato de un metro de longo por un metro de ancho e un metro de profundidade? (Atoparedes as respostas ao final do focumento)

A continuación propoñémosvos algúns exercicios para desenvolver o pensamento lateral e pasar un rato divertido:

EXERCICIO 1: Que símbolo matemático porías nos números 2 e 3 para conseguir un número maior que 2 e máis pequeno que 3?

Mayor que dos y menor que 3
EXERCICIO 2: Un prisioneiro quere escapar do cárcere e, milagrosamente, consegue unha corda que mide 20 metros. Está feliz por conseguir a corda, pero hai un problema no seu plan de escapada, xa que a xanela pola que pretende saír está a 40 metros do chan. Se baixa pola corda que só mide 20, o máis probable é que non supere o salto dos seguintes 20 metros.



Parecéronvos moi difíciles de resolver?

Pois se queredes seguir co reto, podedes resolver moitos outros a través dos seguinte vídeo:


Respostas:
- Todos
- Un piollo
- É un burato, non ten terra.



martes, 5 de maio de 2020

XOGANDO E APRENDENDO COAS MATEMÁTICAS



Seguimos en corentena e o transcurso do tempo vainos dicindo que a volta ás clases non vai a ser tan axiña como nos gustaría.
Así que para chegar a ese momento tan ansiado, aínda teñen que pasar algunhas semanas, polo que a nosa proposta de hoxe vai dirixida a que afiancedes os coñecementos xa adquiridos e practiquedes.

Recopilamos algunhas páxinas web, blogs, vídeos nos que se propoñen actividades, xogos e experimentos caseiros para utilizar as matemáticas e aprender cousas novas dunha maneira diferente visual e divertida.

Experiencias para aprender e desfrutar:
  1. O cadrado máxico:



Xogos de lóxica cos que podemos exercitar a mente e practicar o cálculo mental e as sumas e restas.

Sabiades que algúns magos e ilusionistas fan uso nos seus espectáculos o truco do cadrado máxico?

E efectivamente resolven un cadrado máxico de 4x4 que da a suma que din os espectadores. Para saber como o fan , tedes un exemplo no seguinte vídeo.

Vídeo:



No seguinte blog atoparás a tarefa para que realices o cadro máxico de 3x3:


  1. Xogamos cos euros:


Comezaremos facendo o noso diñeiro, so tedes que imprimir os euros, recortar e pegar. Para que vos duren un pouco máis podedes pegarlle un cartón dunha caixa vella calquera e/ou plastificalos. Agora a practicar o máximo.

Primeiro empezar a practicar cos céntimos, e despois introducir os euros e os billetes. Traballade coas fichas, as encontraredes moitas actividades listas para facer no seguinte enlace:


  1. O reloxo. Tes hora? Facemos un reloxo de cartón.



Esta actividade pódese facer co máis pequenos, so temos que motivalos e axudarlles, pasaredes un bo rato todos xuntos.

Imprimide os modelos e lembrade decoralo como máis vos guste:


Outra proposta xenial e moi fácil de realizar é a que podedes atopas no seguinte enlace “Libro móbil do reloxo analóxico e dixital”.


Nos seguintes enlaces atoparedes moitas actividades para practicar:



  1. Xogos para repasar a multiplicación:

a) Xogo da oca para repasar as multiplicacións:

Imprimir e plastificar para xogar tantas veces como queiras!


b) Xogo 4 en liña:

Esta é unha adaptación do clásico xogo de mesa 4 en liña ou conecta 4, onde o obxectivo é conectar 4 fichas consecutivas de maneira vertical, horizontal ou en diagonal da mesma cor.


c) Xogo das serpes e escaleiras:


  1. Fraccións con Lego:


Para repasar as fraccións de maneira eficaz e sinxela mentres xogades cos bloques de cores do Lego.

Vídeo dos bloques de Lego explicando as fraccións:


Nestes enlace podedes traballar de forma interactiva as fraccións:


Fichas con máis exercicios de fraccións:


Recordatorio para nais e pais:

A hora de facer estas actividades que lle propoñemos os vosos fillos/as é mellor presentalas como xogos para motivalos. Facer unha actividade ou dúas como máximo o días collendo calquera das actividades propostas. Non hai que seguir ningún orde. O tempo a adicar como moito será de 20 minutos cada sesión. Mellor pouco e ben feito.


luns, 4 de maio de 2020

A MIÑA CÁPSULA DO TEMPO 2020

Hoxe ensinámosvos unha proposta de actividade que podedes realizar estes días: facer a vosa cápsula do tempo.
Unha cápsula ou caixa do tempo é un recipiente hermético que ten a fin de gardar mensaxes e obxectos do presente para ser atopados por xeracións futuras. A expresión "cápsula do tempo" utilízase dende 1937, aínda que  a idea é tan antiga como os primeiros asentamentos humanos en Mesopotamia.
Hoxe en día, o concepto de cápsula do tempo estase popularizando e en Internet podemos atopar cápsulas do tempo en distintos formatos: dixital (como poden ser fotografías), audios, textos ou vídeos.
Dende a páxina de Materiales Educativos, Nanelly Rivera creou e compartiu este material que vos axudará a facer unha cápsula do tempo do momento tan especial no que vivimos. Esta cápsula do tempo está en formato *.pdf e podedes imprimila e  enchela coas vosas experiencias, fotos, emocións vividas, anécdotas... E por suposto, tamén podedes incluír cousas que non aparecen na plantilla ou animarvos a facer unha cápsula noutros formatos, a creatividade non ten límites.

 Así, cando o confinamento remate, poderedes recordar o que vivíchedes durante este tempo e ensinarllo a todos os vosos amigos e amigas.




Podedes descargar o documento no seguinte enlace:
CÁPSULA DO TEMPO 2020

Se ademais vos gustan as manualidades, aquí podedes ver un tutorial para facer unha cápsula onde gardar os recordos, podedes adaptar os materiais e en vez de foam ou goma eva, utilizar material de refugallo que teñades por casa.

martes, 28 de abril de 2020

RECURSOS PARA TRABALLAR A DISLEXIA


QUE É A DISLEXIA?

A dislexia é un trastorno da aprendizaxe da lectoescritura, de carácter persistente e específico, que se dá en nenos/as que non presentan ningún hándicap físico, psÍquico nin sociocultural e a súa orixe parece derivar dunha alteración do neurodesarrollo.

Os nenos e nenas con dislexia han de facer fronte cada día a múltiples dificultades e problemas. A súa maneira de percibir as letras, codificar e procesar a información que transmiten é diferente. Un neno con dislexia procesa a información escrita e a escritura dun modo especial e é por iso que necesita unha atención máis especializada neste sentido. Un ensino adaptado ás súas características e as súas necesidades que lles permita desenvolver as súas capacidades e aprendizaxes.

O pasado mes de xaneiro foi publicado na nosa comunidade o Protocolo para a intervención psicoeducativa da dislexia e outras dificultades do aprendizaxe, no que se recollen algunhas pautas para as familias do alumnado con dificultades de aprendizaxe:

Pautas alumnado Ed. Infantil:

  • Aproveitar calquera situación da vida cotiá para espertar a curiosidade dos nenos e nenas por todo tipo de texto escrito.
  • Falar e escoitar aos fillos/as, utilizando unha linguaxe rica e expresiva.
  • Interesarse polo que fixeron na escola.
  • Prestar atención ás preguntas dos nenos e nenas sobre a lectura, mesmo antes de que comecen a aprender formalmente a ler e a escribir.
  • Practicar a lectura en voz alta de contos e álbumes ilustrados sobre: animais, adiviñas, trabalinguas, achegando aos nenos á literatura.
  • Conectar co que len e co que sucede na vida cotiá.
  • Cantarlles cancións, lerlles libros de rimas e dicirlles trabalinguas divertidos. Estes axudan aos nenos a volverse sensibles aos sons que conteñen as palabras.

Pautas alumnado Ed. Primaria:

  • Continuar coas suxerencias recomedadas para Educación Infantil.
  • Presentar a lectura como unha forma divertida e emocionante de ocupar o tempo libre.
  • Deixarlle claro que a familia comprende as súas dificultades, que sempre estará ao seu lado para axudarllle, que logrará avances aínda que coste moito e que poderá contar coa axuda específica para iso.
  • Valorar os seus progresos na lectura.
  • Propiciar un clima agradable e relaxado para a práctica da lectura.
  • Suxerir lecturas e non obrigar a ler.
  • Ser paciente co ritmo de lectura, animarlle a que lea detidamente cada palabra e evitar animarlle a adiviñalas.
  • Favorecer o hábito da lectura. A mellor forma de facelo é poñelo en práctica cada día. É recomendable facelo todos os días.

Para ampliar información, podedes descargar o protocolo premendo na seguinte imaxe:




Recopilación de recursos que poden ser útiles no traballo da dislexia 

DISLEXIA INFOGRAFÍA

DISLEXIA ✏ - INFOGRAFÍA ¿Qué es? ALGUNAS CONSIDERACIONES y ...DISLEXIA ✏ - INFOGRAFÍA ¿Qué es? ALGUNAS CONSIDERACIONES y ...
No anterior enlace podedes consultar unha infografía que recolle aspectos básicos da dislexia.

Trátase dunha ferramenta de apoio á dislexia, validada científicamente e que incorpora moitos exercicios lingüísticos a través dos que se traballan as competencias lingüísticas, a memoria de traballo e as funcións executivas.  DytectiveU está dispoñible nas plataformas iOS, Android e Web para que poida utilizarse tanto en ordenadores Windows e Mac, como en tabletas e smartphones. DytectiveU non é un recurso gratuito, pero durante o tempo de confinamentos Change Dyslexia quere botar unha man ás familias e alongan o período de proba de Dytective a 15 días.

DytectiveU mellora as habilidades de lectoescritura de todos os nenos e nenas e entrénaos para ler e escribir mellor.

Imagen



Piruletras é unha divertida aplicación baseada no xogo e deseñada para mellorar a lectura e escritura nos nenos que padecen dislexia



O xogo está dividido en 5 niveis, que están deseñados de acordo coa frecuencia das palabras, o seu número de letras e similitude con outras palabras.


Esta aplicación está dispoñible nas plataformas iOS Android.


GALEXIA
Galexia é un xogo educativo para mellorar a dislexia, fluidez lectora e dificultades na fala, gratuito e apto para nenos e adultos. Está dispoñible para dispositivos Android.
Cartel






MATERIAIS DA PSICO-GOLOTECA
La psico-goloteca

RECURSOS DE INTERNET PARA A DISLEXIA


letras_2

APPS PARA TRABALLAR A DISLEXIA




45 RECURSOS PARA TRABALLAR A DISLEXIA


EDUCACIÓN 3.0

RECOPILATORIO ACTIVIDADES

Recursos educativos totalmente accesibles y gratuitos.

ACTIVIDADES PARA TRABALLAR A DISLEXIA DESDE A CASA



ORTOGRAFÍA VISUAL: MÉTODO INTERACTIVO E ABERTO DE ORTOGRAFÍA E VOCABULARIO
Ejercicio para vincular la memoria visual a la ortografía
TARXETAS DE ORTOGRAFÍA


ORTOGRAFIA VISUAL
Actiludis

XOGOS DE ATENCIÓN PARA NENOS E NENAS

É unha app que consta de 15 xogos educativos para reforzar as habilidades de percepción visual e espacial, dirixida a nenos de todas as idades.

Cartel

SIMÓN E OUTROS XOGOS DE MEMORIA

O xogo de Simón é un famoso xogo de memoria. Consiste nun xogo electrónico de mesa con catro grandes teclas de diferentes cores: vermello, verde, amarelo e azul. Cada tecla emite un son diferente que axuda ao xogador a recordar a serie de teclas iluminadas. O xogador debe reproducir a secuencia de luz sen cometer un erro. No anterior enlace, podedes acceder a unha versión online do mesmo, xunto con outros xogos online de memoria. Ademais, neste mesmo enlace tamén atoparedes algúns xogos de memoria para imprimir.

juego de Simón online y gratis
memory dinosaurios para imprimirmemory de playa para imprimir

SOPA DE LETRAS
No seguinte enlace podedes acceder a  exercicios online de sopa de letras de distintos temas: animais, profesións, alimentos, froita, colexio, universo, tempo,...

juegos de ciencias naturales

PALABRAS AO REVÉS


No enlace anterior podedes acceder a tarxetas de exercicios de palabras ao revés.